Մեղուն մեկ անգամ հարցրեց իր տիրոջը:
— Քո կենդանիներից ո՞րն է ամենից օգտակարը:
— Գիտեմ, դու երևի կարծում ես, թե ամենից օգտակարը դու ես, բայց սխալվում ես, —
պատասխանեց տերը:
— Ինչպե՞ս, տեր, ո՞րն է այն կենդանին, որ ինձանից ավելի օգտակար է:
— Ոչխարը:
— Այդ հաշիվ չէ, տեր. ոչխարը իմ հասակակից չէ: Նա մի ահագին կենդանի է, իսկ ես մի
միջատ եմ: Դու պետք է ինձ իմ ընկերների հետ համեմատես:
— Շատ բարի. շերամը քեզ պես փոքր է, բայց քեզանից շատ օգուտ է տալիս:
— Շերամը ո՞րն է:
— Շերամն այն իմաստուն որդն է, որ մեզ համար աննման քնքուշ մետաքս է շինում:
— Հա˜ , իմացա, այդ այն շատակեր ճիճուն չէ՞, որին անդադար կերակրում եք թթան
տերևներով:
— Նա ինքն է:
— Բայց գիտե՞ս, տեր, նրա չափ որ մեզ էլ կերակրեք, մենք մեղրի տեղ ոսկի կշինենք ձեզ
համար: Դուք ոչ մի կենդանի չունեք, որ իր կերակուրը մեզ նման ինքը լինի շինելիս և
ուրիշներին էլ բաժին լինի տալիս: Այնպես չէ՞, պարոնս:
— Այո, այդ կողմից դու ուղիղ ես . մենք դեպի ձեզ շատ ապերախտ ենք, որովհետև
բոլորովին անխնամ ենք թողնում ձեզ…
Մեղուն ուրախացավ տիրոջ պատասխանիցը և թռավ նստեց վարդենու վրա:
Առաջադրանքներ
- Պատմվածքից դո՛ւրս գրիր գրությամբ և արտասանությամբ տարբերվող բառերը։
Օրինակ՝ օգտակար լսում ենք՝ ք հնչյունը, բայց գրում ենք՝ գ-ով։
Անգամ ք լսում ենք, գ գրում։
կենդանի թ լսում ենք, դ գրում։
միջատ չ լսում ենք, ջ գրում։
2. Դո՛ւրս գրիր եզակի թվով գործածված գոյականները և դարձրո՛ւ հոգնակի։
Օրինակ՝ մեղու-մեղուներ
կենդանի-կենդանիներ-
ոչխար-ոչխարներ
տեր-տերեր
շերամ-շերամներ
վարդենի- վարդենիներ
ճիճու-ճիճուներ
թութ-թթեր
ոսկի-ոսկիներ
կողմ-կողմեր
3. Տեքստից դո՛ւրս գրիր գործողություն ցույց տվող բառեր։
Օրինակ՝ հարցնել, կարծել։
4. Պատմվածքում ո՞ր ածականով են բնութագրվում հետևյալ բառերը։
կենդանի-օգտակար
շերամ-օգնող
մետաքս-աննման
ճիճու-շատակեր
5. Առանձնացրո՛ւ այն բառերը, որոնք կարող ես բացատրել առանց բառարանի օգնության։
մետաքս- կտորի տեսակ
Շերամ-օգտակար ճիճու
6. Տրված ածանցավոր բառերը բաժանիր բաղադրիչների՝ առանձնացնելով արմատներն ու ածանցները։
Օրինակ՝ աննման-ան-նման
անդադար, ապերախտ, անխնամ, վարդենի
անդադար-ան-դադար ապերախտ-ապ-երախտ անխնամ-ան-խնամ վարդենի-վարդ- ենի
7. Պատմվածքից դո՛ւրս գրիր մեկական՝ պատմողական, հարցական և բացականչական նախադասություններ։
Պատմողական- Մեղուն ուրախացավ տիրոջ պատասխանիցը և թռավ նստեց վարդենու վրա:
Հարցական-Ինչպե՞ս, տեր, ո՞րն է այն կենդանին, որ ինձանից ավելի օգտակար է:
Բացականչական- Հա˜ , իմացա, այդ այն շատակեր ճիճուն չէ՞, որին անդադար կերակրում եք թթան
տերևներով:
8. Կազմի՛ր նախադասություններ՝ գործածելով տրված բառերը։
Մարդ, մեղու, կենդանի, շերամ, վարդենի։
Մարդու համար շատ կարևոր է կյանքը։
Վարդենու վրա նստած է մեղուն։
Շերամը կենդանի չե այլ միջատ։
9. Ո՞րն է այս պատմավքծի խորհուրդը։ Գրի՛ր մի քանի նախադասությամբ։
Տերը ուզում է մեղույին ապացուցել, որ նա լավը չե բայց նրա մոտ չի ստացվում։